Lirik Lagu Batak - Tao Toba - Christine Panjaitan

Tao Toba
Vocal : Christine Panjaitan


Indada piga songon hauma
Tudos tu juma di tano toba

Sahali pe mangula dainang
Martaon marbulan butong mangan da amang
Sahali pe mangula dainang
Martaon marbulan butong mangan da amang


Disi bidangna dohot uli na
Disi rupana dohot dai na
Tano toba tano namartua
Tarbarita tarbarita tu bariba
Tano toba tano namartua
Tarbarita tarbarita tu bariba

Tano toba tano namartua eme gok
Bidang na so ra suda
Laos disi do nang tao toba
Tao na ummuli di nasajolma
Tao toba tao na martua baritana
Nunga sungkot ro didia

Dinyanyikan Oleh Christine Panjaitan
Diresycel Oleh Vicky Sianipar
Ost Toba Dream

Lirik lagu Batak - Dang na Ujui Be ho - Trio Ambisi

"Dang na Ujui Be ho"

Vocal : Trio Ambisi

 

dibagas sabulan on
so hea be ho ro…ro mandulo au
naung Muba do ho….naung mose do ho
tu au hasian

naso sayang be ho
naso cinta be ho tu au hasian
huhilala doi sian pambaenan mi
dang na uju i be ho

molo naung bosan ho tu au ito
ala naung moru hagantenganki
hatahonma hatahonma tu au
asa huboto mamikkiri i

molo naung adong gantikku ito
umbaen na muba rohami tu au
hatahon ma..hatahon ma tu au
unang gantung holongki

Dinyanyikan Oleh Trio Ambisi

Lirik Lagu batak - Ditakko ho Ma Rohakki - Silaen Sister

Ditakko ho ma Rohakki

Vocal : Silaen Sister

 

Simalolongku do marnida ho
Alai rohakku sai holsoan.
Dibahen ekkel supingmi ito.
Manusuk tu pusu-pusukki.
Tikki naparjolo pajumpang dohot ho.
Sai maila ila ho tu au.

Jari-jariku do manjalang ho.
Alai taroktok akka bukbak.
Ala lambokni soaram ito.
Manusuk tusipareokki.
Sai tarhatotong hupanotnoti ho.
Tung sonang pakkilalaanki.

Ima mulana sai huingot ho.
Mambahen masihol au tu ho.
Ditakko ho ma rohakki ito.
Dibuatho nang holongki.
Ditakko ho ma rohakki ito.
Gabe laos tading do di ho.

Jari-jariku do manjalang ho.
Alai taroktok akka bukbak.
Ala lambokni soaram ito.
Mangullus tusipareokki.
Sai tarhatotong hupanotnoti ho.
Tung sonang pakkilalaanki.

Ima mulana sai huingot ho.
Mambahen masihol au tu ho.
Ditakko ho ma rohakki ito.
Dibuatho nang holongki.
Ditakko ho ma rohakki ito.
Gabe laos tading do di ho.

artinya dalam terjemahan bahasa indonesia 

apa yang ku punya yang kau lihat
tapi hatiku selalu sakit
dibuat ejekanmu sayang
membuat hatiku hancur
sewaktu pertama jumpa denganmu
malu-malu engkau bertemu denganku

jari-jariku yang memegang kamu
tapi gemetaran semua badan
karena merdunya suaramu
membuat hatiku tertarik
kulirik terus wajahmu
sudah senang perasaanku

itulah awalnya kita jumpa
membuat aku selalu kangen padamu
kau curi hatiku
kau ambil kasih sayang ku
kau curi hatiku sayang
jadi tinggal di hatimu

kembali ke lirik yang berwarna Ungu sekali lagi

Dinyanyikan Oleh Silaen Sister

Lirik Lagu Batak - Hasian - Bulan Panjaitan Feat Trio Ambisi

Hasian

Vocal : Bulan Panjaitan Feat Trio

Tading nama ho ito.
Borhat nama au tu pulo Batam.
Alai nang pe songoni.
Holong ni rohakki.
Tinggal honokku do di ho.

Nang pe marsidaoan hita.
Unang be lupa di janjitta.
Na ikkon pajumpang.
Jala ikkon marsada.
Dijolo ni Tuhan i.

Hasian,unang be muba roham.
Hasian,unang be mose janjim.
Hasian,ingot ma padan ta i.
Hasian,unang mardua roha ho.

Ingot ma au,ingot ma au.
Nang pe dao au sian ho ingot ma au.
Janji ta i, janji ta i.
unang ho lupa hasian di janji ta i.

Hasian,unang be muba roham.
Hasian,unang be mose janjim.
Hasian,ingot ma padan ta i.
Hasian,unang mardua roha ho.

Ingot ma au,ingot ma au.
Nang pe dao au sian ho ingot ma au.
Janji ta i, janji ta i.
unang ho lupa hasian di janji ta i.

Dinyanyikan Oleh Bulan Panjaitan

Lirik lagu batak - Trio Santana - au Nalilu

Au Na Lilu

Vocal : Santana Trio

Tarsongon napatiop tiop aek di bulung.
Nisuhat inang ho naparorot rorot ahu.
Sahat tu na magodang ahu.

Hape balik tu padduduan.
Tarboan lakka sian parpidoan
Nagurgur sian soluk na loppo sian hatian inang.

Nasumuan asuan au diginjang ni ulu.
Tak tak so haburian, luha so tarbolokkon.
Tung pitu hali taripar aek.
So sesa so tarhaisson.

Tung ido mulani sikkap mabarbar.
Mulani padang matutung.
Songgot sibaran lapungi.
Mian di parngoluakki.
Holan namanuttun gogokku ahu

Tasongon alogo natumuttun gotosna.
Mangullus tonga ari mangarittak tonga borngin .
Inang.

Manolosi ma rohakki dipangalohokku.
Lalap dipandelean, sai lupa martangiang.
Ia tung mate pe mabiar, mangolu pe holsoan.

Suhar songon lapaon ihan mai.
Husor songon lalapaon manuk.
Sude akka pangalahokku inang.
Sude akka pambahenakku.
Sotung andor jolo malos.
Manang punggur jolo madabu.
Sotung au gabe pandelean ni dainang.

Marsomba ujung au.
Marsomba huhuasi tujoloM.
Inang tangihon au nalilu.

Marsomba ujung au inang.
Marsomba ujung au inang.
Marsomba ujung au inang.
Marsomba ujung au inang.

Dinyanyikan Oleh Trio Santana

Lirik Lagu batak - Charles Simbolon - Holong

HOLONG

Rodo au lao pasahatton holong.
Naung leleng sai solot di bagas roha hasian.
Sai mabiar au ito sa salelengon.
Sotung so marbalos holong ki tuho.

Na so panagaman ni rohakku.
Di undukkon ho mardongan ilu-ilu hasian.
Sai hubereng dompak simalolong mi.
Ai disi hape allusni holonghi.

Nungnga tung sonang rohakki.
Dukkon huboto holong mi.
Sai sadama rohanta i.
Asa tung saut sakkapta i.

Beta hasian tiop tangankon.
Rap hita marpadan naso sioseoni.
Sada hu pangido sian ho.
Holongmi tu au sahat tu na sari matua.

Na so panagaman ni rohakku.
Di undukkon ho mardongan ilu-ilu hasian.
Sai hubereng dompak simalolong mi.
Ai disi hape allusniholongki.

Nungnga tung sonang rohakki.
Dukkon huboto holong mi.
Sai sadama rohanta i.
Asa tung saut sakkapta i.

Beta hasian tiop tangankon.
Rap hita marpadan naso sioseoni.
Sada hu pangido sian ho.
Holongmi tu au sahat tu na sari matua.

Dinyanyikan Oleh Charles Simbolon

Lirik Lagu Batak - Trio Perdana - Soripada Naburju

soripadaku naburju, nalambok malilu
tohomaho boruni raja, tinodoni dainangi

nang pe sipata sala doau
ekkelmi dibahen ho
tung somuruk,tung somuruk
tung lambok panukkunmi

Reff...
namalo do dainang manodoho nalao parumaenna
boi ho sipaniroi sipanuturi diparsaripeotta
songon lambokni nambur pambaennami
tudamang dainangi
homa naparjolo...hodo naparpudi
saleleng ngolukki

Dinyanyikan oleh trio Perdana

Lirik Lagu batak - Bunga ni holong hu - Trio Perdana

Bunga Ni Holong Hu
Ho do bunga ni rohakku
Bunga ni holonghu
jala ho do bunga na ummuli
Na so boi putikhon hi

Godang di bahen ho siingotonhu
Na soboi tarlupahon
Saleleng hita mardongan
Sonang jala marbung holonghi

Di pancur batu di kampung lalang
Di kota medan i hita pajumpa
laos disi do tubu holonghu
Tu ho si poriban

Hubereng lambok ni bohimi
Dohot lesung pipimi hasian
Dohot parekkelmi
Nang engkel subbingmi
Pasuda rohangki

Siteres do ahu sayanghu
Molo melbok handphonemi
Hu sms ho laos so dibalas ho
Gabe susah pikkiranhi dibahenho

Ho do tinodo ni rohangku
Cinta hian do ahu tu ho
Sayang hian do ahu tu ho
Hasian

Mardongan pe hita hasian
Nang pe so marrokkap ahu dohot ho
Hita na mardongan-hita na mardongan
Halak nampunasa

Dinyanyikan oleh Trio Perdana

Lirik lagu Batak - Trio Lamtama - Marbilang Taon

Marbilang Taon

Nungga marbilang taon

hita dang pajumpang hasian

nungga marhasaksion

mangingani roha i

didia do ho

dapothon ma au

Nungga godang namasa 

nasaleneng on ale ito

Nungga naeng mandate

holong nadi rohai

Paherbang mai, dapot hon ma au

Ro ma ho, ro ma ho

manggaori arsak hi

unang pasombu au diparalang-alangan hasian

ingot au2x, ingot ma janji tai

unang lupa ho au dang tolap au marsirang sian ho

Dinyanyikan Oleh Trio Lamtama

Lirik Lagu Batak - Trio Lamtama - Alani Pogos

ALANI POGOS
 
Tangis do au ale inang pangitubu.
Molo dung golap ari i, dang boi tarbahen.
Songon nanidokmi, lao hatop madulo ho.

Alani pogos ma hape dainang.
Ikkon taonon songonon.
Marsiak bagi au diparjalangan on.
Manaon sude na hancit i.

Pabulos ma roham inang.
Inang pangitubu .
Nangpe dao au sian ho.
Tondimi manggonggom au.

Tangiang mi ale inang, tondimi ale Amang.
Mandongani anakmon, diparjalangan on.

Alani pogos ma hape dainang.
Ikkon taonon songonon.
Marsiak bagi au diparjalangan on.
Manaon sude na hancit i.

Pabulos ma roham inang.
Inang pangitubu .
Nangpe dao au sian ho.
Tondimi manggonggom au.

Tangiang mi ale inang, tondimi ale inang.
Mandongani anakmon, diparlangan on.

Dinyanyikan Oleh Trio Lamtama

Lirik lagu Batak - Trio Lamtama - Adong di Iba Adong ma Tondong

Adong Di Iba Adong Ma Tondong

 Landit do da inang

mancai landit gotap nisi margalagala

hacit do da inang

da sibahenon pe so ada

dang boi tarihuthon tu pesta paradaton

dang boi tarihothon arisan ni punguan

sude nai mambaen alani hapogosan

parir ni parngoluan

Timbo do dainang

maccai timbo do inang da dolok sinabung

dangol do dainang

gabe ilukku sai marabur

tudia ma luluan nalao parsarian

so ada pangaluan lao tukkar pikkiran

sudena mandao pe sisolhot donagntundong 

alani hapongoson

sugarima inang namora i hita amang

sude si solhot i manjonok be

nunga bagain da naturpuk sijalo on i

Sude ikkon taonon namai 

dang hata-hata i songon didok hatai

adong di iba adong ma tondong

Lirik Lagu Batak - Trio Lamtama - Tangishu tu Dainang

Tangishu tu Dainang

Hata Ni halak didok do au namora

hata ni halak didok do au nasonang

Toho doi nian, toho doi nian

basa ni Tuhan i

Alai rohakkon so ada umbotosa

alai rohakkon malala dibagasan

mekkel dinapatar do au dainang

ala di nabuni tangis do au

anak najekkar do au nian

jolma namalo do au nian

rindang nisi ubeonmi

anak naburju do au nian

Hau nabolon doa nian

naboi pangunsandeanmi

alai mardikkan da parumaenmi

dina husari i

gabe mandao ma sude sian au 

haha anggi iboto ki ima tangsihu tuda inang i

naso tarudukkon i

Dinyanyikan Oleh Trio Lamtama

Lirik Lagu Batak - Taksi Paradep

Taksi Paradep

 

taksi paradep tutu dalatta
lao pataruhon tu polonia
sahubdulan hita nadua
ho lao borhat tu pulo batam
au borhat ito tu jakarta

di pardalanan ho mondok-ondok
di abarakku ho laos tarpodom
ijurmi ma sai songon udan
tu bajukki gok mardek-dekan
angur doi di au songon bunga

reff:
ijurmi ma da ito hasian
nagulu di bajukki haholongan
tanda matama di au pargaulan
alani so tarlupahon au be ho
sai luluakku
lao tu batam lauti pe langeakku
ho~ diorakku
rura i pe ikkon tong do suruhokku
rohakki ma da ito holan tu ho
unang sega au ito alani ho

Dinyantikan oleh AURA TRIO

Lirik Lagu batak - Lam bagas Aura Trio

Lam Bagas

 

Lam dao au sian ho
Lam bagas holong ni rohaki
Tu ho hasianhu
Tu ho hasianhu

**
Songon tao na marsik i
Na mangkarobuthon udan i
Malungun au tu ho
Malungun au tu ho

Di na lao modom au (hu ingot ho..)
Di tingki dungo au (hu ingot ho..)

Reff :

Ai holan ho do haholonganhu
Holan ho do Naboi Pamalum Sahithi

Holan Hodo Hasianku
Holan ho do pasonang rohaki

Back to : **,Reff 

Penyanyi Asli : Aura Trio

Lirik lagu Batak - Bakkona Doi Amang

Bakkona Doi Amang

 Bakkona doi amang anakkonku

Bakkona doi amang Hasianku

molo humuruki ho, molo hulagai ho

dipangalaho mi

Ai Napapir Tondimi

patogi rohami

do ai disi da amang hasian

Muruk hu tu ho amang anakkon ku

holongku doi Tu ho oh tondikku

songini do ompungmu na mangajari au dipangalahokki

Ai martua do muse anak haholongan i

dibaen holong i anaha..

Hodo anakku, hodo na ma aamang 

nahupabarbaga patur-ture au

molo dung matua au muse

asal unang ma jais roham amang

diakka dipoda naung hulean tu ho

ai ido arta naung marga dahasian

si ingoton molo marujung ngolu au

Lirik lagu - Sian Ias Ni Rohakku

Sian Ias Ni Rohakku

Nasa Na adong di au 

Naung Huleon i tuho

Sian ias ni rohakku pashathon i 

to ho da hasian

nasa tolap ni gogoki

hupa ihut-ihut doho

saleleng au mangolu 

haholonganku do ho

Ho tongtong haholonganku

ho tongtong hasiholanku

jala ho nampuna au

haholongi ma au doson holongki tu ho

haholongi ma au disude hahuranganku

patuduma tu au holong mu na ias namarsitutu i

Lirik Lagu - Ho Do Sayangki

Ho Do Sayangki

Dang na tarlupaho au ito

pargaulanta sinauju i

tung parroha nalambok do ho ito

mangantusi rohakki

sonari nga idia ho leleng hupaima harorom

dang tartaon au be sihol hi tu ho

sainaeng hu haol ho gomos

Reff

Hodo cintakki

hodo sayangki

unang tinggalhon au

ro maho dapothon ma au

ai holan hodo, sasada ho do

namian dibagasan rohakki

sonari nga idia ho leleng hupaima harorom

dang tartaon au be sihol hi tu ho

sainaeng hu haol ho gomos

Back To reff

Lirik Lagu Batak - Boruni Tulang Dan Terjemahan

Boru Ni Tulang

Hata ni dainangi do ito
Na mandokkon au ro tu ho
Lao pasahat hataki tu ho
Boha roham disi ito


Tung arop do i di rohaki
Tung na so manjua ho disi
Na ikkon saut do i sude
Nasininta ni rohaki
Saut do i sude

Reff....

Tung alusi majo au ito
Boru ni da tulang
Asa unang sai holsoan au di borngin on

Tung alusi au ito
Tung husippon ma tu au
Asa sonang rohakkon da hasian

 Lagu Boru ni datulang ini menceritakan tentang Seorang Lelaki yang Cintanya belum dijawab oleh sang wanita.

Humor Batak - Ku Tipu Kau

dung mulak sibaluhap sian stasiun keretapi senen, gabe ditoppashon ibana do tas "echolack" nai dipartiga-tiga an ulos ni nantulang na di pasar inpres senen.
jala laho ma ibana manonton tu bioskop jonok ni prapatan senen, topet adong film kungfu hasonangan ni ibana.

songon na somal, molo naeng masuk tu bioskop, ikkon tuhoron do parjolo karcis asa adong sipatuduon tu panjaga ni pittu ni bioskop i, dungi diloas ma masuk laho manonton sambil diribak ma karcis on asa unang boi tarpakke be muse.

dung dituhor sibaluhap karcis nai, laho ma ibana mardalan tu bilut panontonan, alai diambat do ibana dipintu, dipangido ma karcis na.

penjaga pintu : "boleh lihat karcisnya bang??"
baluhap : didadap sakku nai, dang pamotoan na na adong naeng mangambat ibana, tor jalo ma dipatudu tu panjaga i "ini bang??", ninna.
penjaga : tor dirigat ma karcis nai, "sreekkkk"...
baluhap " "bah... mahal2 kubeli, kenapa kau robek??", sombong2 kali lah klen".
penjaga pintu : "setiap karcis masuk harus dirobek, agar tidak bisa digunakan lagi".

sai diserbeng ibana do penjaga pintu i alai huhut mangalakka masuk tu bagas bilut i.
hundul ma sibaluhap dibangku ni bioskop i, alai tung massai dendam do ibana, hinorhon ni pangaribak ni panjaga i di karcis naung dituhor sibaluhap. jala toppu ma ibana kaluar muse, nang pe so sae dope film naditonton i. adong do huroha na solot dibagas rohana, tung apala ngot-ngot, umbahen na sai manginongi ibana.

tep mai, dipaima ibana do sampe kaluar jolma sian kamar panontonan i, jala maos do mata na momar mangalului panjaga karcis na mangaribak karcis nai.

dung kaluar jolma sian bilut panontonan i, nungnga pittor adong muse manggadis karcis laho manonton tu udut namangihut.

tor laho ma muse sibaluhap manuhor karcis naeng manonton muse, alai molo dibagas rohana naeng mambahen sogo rohani panjaga pintu ido.

baluhap : "saya mau beli karcis, dua", ninna
penjual : "iya bang, ini karcisnya....", ninna

pendek sarita, laho ma muse sibaluhap masuk tu bilut panontonan i, jala jumpang na ma muse jolma penjaga pintu i, dang pola sanga be ibana disukkun, nungnga tor dilehon ibana karcis nai sada, alai dikantungi ma karcis na sada nai.

dipaulak penjaga ima ribak2 ni karcis nai tu sibaluhap, alai songgot ma sibaluhap mekkel mekkel huhut mangalakka tu bagas bilut i, jala gogo ma hata na mandok :

"ku tipu kau...., ini satu lagi", ninna ibana huhut dipatudu ibana sada nai karcis na dikantung ni baju na nakkin.

sibaluhap
smile emotikon
smile emotikon

Humor Batak - Barita Na Suhar

Perkawinan adat bata

sattabi, nungnga hea hubaen di wall pribadi hu. alai atik boha soor hamu manjaha ate?!.

adong ma sahalak guru, masuk rumah sakit hona serangan jantung siala na mambege akka gosip dohot fitnah [aha do bahasa batak nion?] taringot tu dirina sandiri. sahalak ina naposo ro mandapothon ibana tu rumah sakit naeng manopoti sala na, ai sian ibana do parjolo gosip dohot fitnah i.

ina-ina : "guru, mangakku sala ma au tu ho, nungnga pola marsikkor ho alani pangalahokku. molo tung adong bahenonku na boi paulak gosip dohot fitnah i, dok ma tu au ulahononku doi saonari asal ma sonang roham, jala malum akka hassit ni rohami".

guru : ditarik ma battal nadipodoman nai, jala dilehon ma tu ina-ina i jala didok "lao ma ho tu menara na paling timbo, buat ma sude kapas na dibagas bantal on pirpirhon jala paserak ma tu sude penjuru angin". ninna

"ai aha doi?!", ninna roha ni ina-ina i, alai asa pasonang roha ni guru i, jala songon naung disakkap na, borhat ma ibana tu menara na timbo, dipaserak ma sude kapas tu sude arah mata angin, jala tokkin do kosong bantal i, mulak ma ibana tu guru i muse mamboan sarung bantal naung kosong.

ina-ina : "guru, nungnga hubahen be songon na nidok mi, anggiat ma sonang roham, adong dope naboi sibahenon ku muse?".

guru : "adong!, saonari lao ma ho, papungu ma muse sude akka kapas naung dipaserak mi, jala pamasuk ma muse tu sarung nai".

ina-ina : "tung na so toho bei guru, ai nungnga tar-sar tu sude luat akka kapas naung hu paserak i".

guru : "suang songoni ma pambahenan mon saonari tu au, akka barita na so toho, napinasahat mi tu jolma taringot au, tung na so boi bei mulak songon uju so adong gosip dohot fitnah, sonang so adong parukkilon"

renungan :

marpikkir ma hita naeng pasahat barita na so tutu taringot tu dongan, ai mambahen parukkilon doi tu dongan, jala marisuang do pangaehon na tu diritta sandiri pe, ndang manghorhon tu nadenggan.

Humor Batak - Manukkun Tuhan

Rumah batak di silamosik

Manisia : Horas Tuhan, molo adong tikkim saotik, boido hita makkattai?, adong sisukkunon hu

Tuhan : oh, saleleng ni leleng na do molo tikkikku, dang adong sukkot ni tikki di au, aha ma huroha sukkun-sukkun mi?

Manisia : mauliate, aha do pangalaho ni jolma na paling na boi mambahen Ho tarsonggot?

Tuhan : HAHAHAHA, hamu na akka manisia i tung massai erget do : parjolo). sai lomos do hamu tu ari sogot, boi sampe lupa ari sadarion; paduahon). dihangoluan muna on, sai hira na so adong tikki na mate; patoluhon). hatop-hatop do hamu bosan.
molo tikki dakdanak manigor naeng hatop magodang, hape molo dung magodang aut boi nian gabe boi mulak dakdanak muse.
sai giot naeng marbadai, mardandi, martokkar holan alani saotik; paopathon). olo do hamu lupa di hahipason mu holan mangadu hepeng, alai gabe mago do hepeng munai muse laho marubat. akka na songoni do mambahen parngoluan mu gabe magopo.

Manisia : jadi, aha do sipasingot mu naboi tiopon/golomon nami asa boi gabe sonang?

Tuhan : sasittong na sude akka poda i nungnga hea hupasahat tu hamu, on ma sada erget ni hamu akka jolma, sai olo mangalupahon akka podakku, molo songoni, huulakkon pe muse mandok, hira hira impola na.

1. Ikkon sabar do hamu paimahon akka sinaadongan i, manang ise na mangadu ha adongon, salah doi!, sasittongna hamu na ikkon mangarade tu diri mu sandiri do asa anggiat boi songgop akka haadongon i tu hamu, jadi ndang pola ikkon diadu/dilumba, alai paloas hamu ma akka na adong i mangadu hamu.

2. Ingot ma, aha pe naung adong di diri mu, lobi mararga doi sian aha na dibereng hamu, sai pagodang hamu ma mardongan, orui hamu na mangalului alo.

3. unang gabe maoto, olo mangiburu patudos tudos aha na adong didongan na. alai las ma roha mu tu akka aha naung dijalo hamu saleleng on, tarlumobi mai ikkon tanda on mu do akka arta manang haadongon mu saonari on, alai ramoti hamu mai sadenggan denggan na, ido na nidok na akka jolma na marippola, molo dung boi songoni dungi aduon ni akka haadongon ima hamu muse.

4. ingot ma hata on, jolma na nidok naung mamora, dang na jolma boi papungu hepeng sagodang godang na, alai manang ise na mamorluhon saotik, alai boi mangalehon tu dongan na jolma.

Na paling porlu tu hamu akka na manjaha on, boi mangantusi, sai harikkothon hamu ma martangiang. Dang na laho tinggalhonon hu hamu saleleng na. molo boi do hamu mangolu dibagasan habengeton, jala sai disura sura hamu do na laho mate nama di ari marsogo, dungi bahenon mu ma akka nadenggan i, asa talup hamu mandapot harajaon mu.

10 panjouon ni borua na marhasohotan

tortor batak

sian sijolo jolo tubu Batak Toba, adong do mar piga piga panjouon di halak batak taringot tu borua na marhasohotan, na manimbil sian na somal :
 1. Mahiturun manang Mahuampe
molo adong borua naung marapi purun/marsigorgor holong ni roha na tu sada baoa, alai ndang dipaloas among na laho marhamulian, gabe marroha-roha ma borua on laho mangihuthon si doli tinodo ni rohana, jala didongani akka dongan na borua ma ibana manopot sidoli tinodo nai manuttun lomo ni rohana. didok ma "mangalua"

2. Panoroni
borua na marlomo roha naeng manggantihon parsonduk bolon ni sada ama-ama na marianakkon siala naung mate/sirang, borua on biasa na dijouhon do "ina panoroni" tu anak ni ama-ama na sinonduk na padua halihon.

4. Mangalua
sarupa do tu na Mahiturun panghorhon na, alai godang do silakko na lebih luas, asa didok mangalua, olo do sipata ala ndang adong ni sibahenon laho mambahen adat na gok tikki i, alai gabe dibahen ma muse haduan molo dung margelleng, ima goar na "pasahat batu sulang".

4. Mangabing Boru
sarupa do tu Mahiturun, alai baoa do pemeran utama na, molo dang lomo roha ni among ni borua tu sada baoa. ala naung ditostos holong ni baoa tu borua, gabe dituttun baoa ma lomo ni rohana mamaksa borua "lari" sian jabu ni among na manghihuthon ibana, disuru sidoli ma akka dongan na laho manakko borua sian jabu ni among na.

5. Marimbang manang Tukkot
sarupa tu pandohan saonari "poligami", na mandok mangoloi sakkap ni sada ama na naeng mardua tataring. sada ama naung adong parsonduk bolon na, alai marmihim-mihim tu sada borua laho mamukka parruma tanggaon muse.
godang silakko na : gumodang ma laho mamahen sundut ni goar ni baoa, ala ndang adong rindang ni parsondung ni ama na parjolo manubuhon ianakkon/manang marrindang anak baoa.

6. Singkat Rere
borua na manggantihon akkang na na marobur laho gabe parsonduk bolon ni sada ama ama, attar sarupa do on tu panoroni, alai asing do panjouon molo tu borua na manggantihon akkang (pariban) na sandiri.

7. Diabia
sada ina na mabalu "dipakke" simatua na baoa laho manorushon garis keturunan na, laho dongan na parmudu-muduhon inakkon na tading maetek.

8. Parumaen ni Losung
borua na di paorohon natua-tuana tu sahalak baoa (lajang/ama-ama) laho manggarar utang na, ala dang adong sibahenon ni natua tua na laho paulak utang na. boi do on tu anak ni parhepeng mamang tu ibana sandiri.

9. Marsonduk Hela
borua na di paorohon natua-tuana tu sahalak baoa naung leleng diparmudu-mudu natua tua na, gumodang mai ala naung suman pangalaho ni sada baoa dibereng natua tuana, laho mangurupi akka ulaon ni amang na, gabe dipaorohon ma boru na.

10. Dipaorohon
sada borua naung dipillit natua tua na gabe hela na sian na metmet, termasuk do on tu akka na marpariban, manang akka anak ni ale-ale ni among na.

Sipasingot ni Inang Tu akka Anakkonna

Marnatua-tua

 1. pasangap ma siadosan mu, songon ho na pasangap inong namanubuhon ho, alana siadosan mi pe, sada inong doi di akka ianakkon mu

2. molo sangga muruk ho, pasiding pakkataion dohot siadosan mi, jala unang sampe martokkar ho dohot ibana, isarana (songgak2, pahata hata ibana, dohot lalu tangan).

3. ai siadosan mi do haporusan mu di jabum, molo so sonang roha ni ibana, gabe dohot do marpangae tu sude pangisi ni jabumi, sai hira narokko (dang adong parekkelon, manubut roha, mamparate-atehon), haholongi ma siadosan mi asa marsonang-sonang ho, sai hira na mangingani surgo.

4. balga manang gelleng pe gajim, siadosan mi ikkon totop do parrohahonon mu, dungi sai paherbangon na ma tangan na laho manomu-nomu ho dijolo ni harbangan ni jabumi dohot holong ni roha ias.

5. molo dua halak tinggal di sada jabu naung marhasohotan, dang pola ikkon porlu marlumba monang (ise na umbeteng, ise naunjago), alana dang na ikkon sai na martanding namangoluon, tarlumobi ala ibana do dongan mu gabe saleleng ni leleng na laho mangeahi parngoluon di portibi on.

6. toho do diduru an godang akka borua nauli na lobi uli sian siadosan mi, alai tung ibana do na sai manghaholongi ho sian ias ni rohana, sian siadongon mu najolo sahat tu saonari nang tu ari na naeng ro, holong ni rohana ndang na ala sihaadongonon mu, tikki na ro akka pangunjunan pe ibana do na rade disamping mu laho mandongan-dongani ho, laho pahissa roham sian akka sidangolon. alai molo borua na diduru an, tinggalhonon na do ho ditikki ro akka pangunjunani, jala mandapothon baoa na asing muse dung suda sude akka na di ho i

7. godang do akka siadosan naburjua diduru an, suang songoni do tong akka "siadopan" naburju. unang ma nian sanga tarilu siadosan mi ala pambahenan mu, jala sanga diapus akka siadosan manang baoa na asing ilu nai, alana tung massai maol do sogot mulak roha na tu ho, molo dung sanga mahiang ilu nai sian tangan ni halak naburju.

8. ajari ianakkon mu baoa marparange na denggan tu inong na, dungi boto on na ma haudan boha bahenon na mangaradoti siadosan na.

botima!