Di Sada Tingki, naeng lao ma si Baluhap tu jabu ni tulangna di Medan. Borhat sian Tarutung, dipataru Inangna ma ibana mangambat bus KBT.
Kenek: "Medannnnnn!! Medannnn!! Medannnn!!"
Inangni si Baluhap: "Ito, molo nga sahat hamu di Parapat, tolong jo paboa tu ibana da!" (Sambil manogu Si Baluhap naek tu bus KBT)
Kenek: "Parapat? Olo, boima i...; maju, tariiiik boo.!!!"
Mardalan ma bus i, kancang muse..
Di tongandalan disungkun si Baluhap ma tu kenek i: "Ai nunga sahat hita di Parapat Lae??"
Kenek: "Daong.. Dao dope."
Dang sadia leleng nai disungkun si Baluhap muse: "Nga sahat be hita di Parapat?"
Kenek: "Daooong, tenang ma ho!"
Sai torus ma disungkuni si Baluhap kenek on, ala ni lojana gabe las tarpodom ibana. Mardalan do torus bus i dompak Siantar. Dung sahat di Tebing tinggi, baru pe diingot kenek i naung lewat do hape Parapat.
Marhusip ma kenek i tu supir: "Bah, bah, bah, bah! Maup ma hita.. Nga jea, ai naung dao do hape lewat Parapat."
Supir: "Boasa, aha na masa haroa?"
Kenek: "Nangkin didok inangna tu au, molo nga sahat di Parapat asa paboaon tu baoa an!"
Supir: "Baaahh... Ai na boha doho kedan?? Nga dao Parapat, aaakh!"
Untung ma olo supir i mamutar balik tu Parapat, jala olo do angka panumpang i ala asi roha nasida mangida si Baluhap. Dung sahat di Parapat, didungoi kenek i ma si Baluhap.
Kenek: "Lae, Lae.. Dungo ma hamu!! Nga sahat be hita di Parapat." (Huhut manghutur-hutur daging ni si Baluhap)
Kellap: "Ai Nga sahat hita di Parapat??" (Humalaput ma ibana mambuka palastik, taridama indahan dohot gulamo)
Kenek: "Naeng turun dison do kan hamu Lae?"
Kellap: "Daong bah Lae, lao tu Tarutung do au. Na didok Inang do nangkin, molo naeng mangan ho bukka ma indahanmi di Parapat...!"
Las markoor ma Kenek, Supir, dohot angka sewa ni bus mandok: "Ooohh.... botul do si Baluhap goarmu! Nga maup be hita. Mengkel ma jolo hita ate."
